Һөнәри бәйрәм уңаеннан

«Акчарлак» спорт комплексында Җирле үзидарә көненә багышланган тантаналы чара үткәрелде.

Бу көнне МР башлыгы җирле үзидарә органнарының иң яхшы хезмәткәрләренә республика һәм район бүләкләре тапшырды. Муниципаль хезмәткәрләр Татарстан Республикасы Дәүләт Советы рәисе рәхмәт хаты, Татарстан Республикасы муниципаль берәмлекләр советының рәхмәт хатлары, МР Советы мактау грамоталары һәм район башлыгы рәхмәт хатлары белән бүләкләнде.

Тантаналы бүлектән соң барлык муниципаль хезмәткәрләр өчен чын спорт-күңел ачу бәйрәме оештырылды. Ирләр футбол, бильярд уйнады, тренажер залында булды, теләгәннәр бассейнда су коенды.