Өченче тоташ кар ява

-Район үзәге урамнары озынлыгы 56 километр тәшкил итә,- шәһәр җирлеге башлыгы вазыйфаларын башкаручы Нияз Камалиев. -Тыкрыклар, борылышлар күп. Эш вакытында оешма һәм учреждениеләр янында юл кырыенда машиналар тагын да күбрәк. Аларны кардан бер сәгать эчендә түгел, көн озын да чистартып бетереп булмый.Кама Тамагында юлларны кыш көне карау өчен контрактны "Бэркут" ООО отты. Аларның үз техникасы җитәрлек түгел, шуңа күрә читтән , аерым алганда, "Вираж+" ОООны, шулай ук шәхси тракторлар һәм йөк машиналарын җәлеп итәләр. Соңгы көннәрдә кар күп яуды. Җиңел тракторлар гына бар эшне башкарар алмый. Куәтле Т-150, К-700 тракторлары кирәк. Сишәмбе урамнарда иртәдән өч берәмлек техника эшләде, төштән соң берсе ремонтка китте, ике трактор урамнарны чистарта калды. Бүген иртәдән 3 трактор кар чистартты.