Әйләнеч юлда ремонт

Район үзәгендәге әйләнеч юл узган гасырның 80 нче елларында ук төзелгән. Аның төп функциясе поселок урамнарындагы транспорт хәрәкәтен киметү һәм өске юл катламын җимерүче авыр йөк машиналарын әйләнеч юлдан җибәрү. Ул вакытта бу трассаны бульдозерлары булган барлык предприятиеләр кирәкле техниканы бергә җыеп төзеделәр.
Еллар узган саен шушы әйләнеч юл мораль һәм физик яктан искерде, аңа ремонт таләп ителә. "Татавтодор"ААҖ Апас филиалы юл участогы агымдагы елгы эш планына бу трасса да кертелгән. Биредә иске асфальт катламын алу техникасы эшләгән, бульдозерлер китергәннәр. Зөфәр Вәлиев җитәкчелегендәге бригада металл барьер киртәсен сүтә, чөнки юл киңәйтеләчәк һәм бу урынга җир салу планлаштырыла. Бу юлның озынлыгы 2 километрдан артык.