XXIX кышкы спорт уеннары кысаларында волейбол буенча зона этабы үткәрелде

7 февральдә "Акчарлак" спорт комплексында XXIX спорт уеннары кысаларында районда волейбол буенча зона этабы үткәрелде.

Зона уеннарында Куйбышев Затон, Кама Тамагы штп, Уразлино, Иске Казиле һәм Тәмте авылы командалары катнашты. Командалар көч сынашып, түбәндәге урыннарны алды: 1 урын -Кама Тамагы, 2 урын -Тәмте, 3 урын- Куйбышев Затон, 4 урын - Иске Казиле, 5 урын- Уразлино. Барлык командалар актив катнашты һәм намуслы уен алып барды. Кама Тамагы штп командасын зона этабында җиңүләре белән котлыйбыз һәм 21 февральдә XXIX кышкы спорт уеннары үткәрелү көнендә финал уенында көтеп калабыз.