Физкультурачылар көнендә

8 августта спорт сөючеләр Бөтенроссия физкультурачылар көнен спорт мәйданчыкларында һәм стадионнарда каршы алды. Тенештә Кама Тамагы һәм Затоннан биш команда катнашкан мини-футбол ярышлары үткәрелде.

Спортның әлеге төрендә Кама Тамагыннан яшьләр командасы көчлесе булды, икенче урында -Затон ветераннары, өченче- Кама Тамагы ветераннары. Бу көнне үк сәгать 12дә "Акчарлак" спорт комплексында хатын-кызлар командалары арасында волейбол ярышлары башланды. Мәйданга Куйбышев Затон, Кирельск, Кама Тамагы һәм Тенеш спортчылары чыкты. Затон кызлары иң яхшы булды, икенче урында кирельскийлалар, өченче урында - таучылар поселогы командасы. Алардан соң мәйданга ир-егетләр командасы чыкты. Бу юлы Кама Тамагы командалары гына катнашты. Биредә ветераннар яшьләрне җиңде.

Ярышларның барысында да катнашучыларны бүләкләү тантанасы спорт комплексында булды. Җиңүче командалардан тыш, районда физкультура һәм спортны үстерүгә өлеш керткән районның актив спортчылары да билгеләп үтелде. Алар арасында Ришат Хананов һәм Светлана Никаншина. Соңгысын спортчылар көчле алкышларга күмде, чөнки тормышта авырлыклар алдында югалып калмыйча, куелган максатыңа барып, җиңүләргә ирешергә кирәк. Бу һәр спортчы девизы.