Белем сыйфатын арттыру

Шушы көннәрдә Сөйки урта мәктәбендә укытучылар белән "Укыту сыйфатын арттыру" дип исемләнгән Сингапур проекты буенча өйрәнүләр үткәрелде.

Аның максаты - барлык укучыларны активлаштыру, аларны укыту барышына җәлеп итү, укытучы белән рәттән дәрестә эшләү мөмкинлеге бирү. Дәрестә әлеге алымны куллану бер укучыга да тыныч утырырга юл куймый, барысы да эшләргә, укытучы бәя бирергә тиеш. Шулай итеп, пассив укучылардан кызыксынучан укучыга әверелү күренеп тора. Укыту "укытучы-укучы" принцибына нигезләнгән.