Тернәкләндерү үзәгендә

Район халыкка социаль хезмәт күрсәтү үзәгендә сәяси репрессия корбаннарын искә алу көненә багышлап "Дәһшәтле елларны искә алыйк" дип аталган чара үткәрелде.

Репрессиягә дучар булган якташларыбызның, аларның балаларының ачы хатирәләре шул вакыйгаларга багышланган шигырьләр белән алышынды. Нина Пантелеева үз гаиләсенә кагылган куркыныч хәлләргә тукталды. Көрәледән Кәшифә Ибраһимова 1939 елда донос буенча күршеләрен кулга алулары турында сөйләде. Равил һәм Рәисә Вәлиуллиннар "Без 37нче ел балалары" дип исемләнгән шигырь укыдылар. Һәлак булганнарны бер минут тынлык белән искә алдылар.