Инспектор белән очрашу

Олы Кариле урта мәктәбендә укучылар ГИМС участок инспекторы Нияз Нуриев белән очрашты.

Укучылар белән сулыклар янында үзеңне куркынычсыз тоту турында кисәтү әңгәмәсе үткәрелде. Әңгәмә вакытында Нияз Гомәр улы үзеңне тоту кагыйдәләрен генә искә төшереп калмыйча, балаларда әлеге кагыйдәләрне үтәү теләге формалаштырырга тырышты, шулай ук әлеге мәгълүматны ата-аналарына һәм танышларына да җиткерергә кирәклеген искәртте. Инспектор бәла-каза килеп чыкканда коткару чараларын дөрес куллану һәм беренче медицина ярдәме күрсәтү турында да сөйләде.