Дәүләт хезмәтләре порталында яңалык

Татарстан Республикасының дәүләт һәм муниципаль хезмәтләр портлында һәм "Услуги РТ" мобиль өстәмәдә түләүләр үткәргәндә алына торган 10 сум күләмендәге минималь комиссия бетерелде.

Яңалыкның асылы шунда, элек кулланучылар газ өчен 100 сум түләгәндә 10 сум комиссия алынса, хәзер ул нибары 1 сум (яки түләүдән 1%) тәшкил итә. Исегезгә төшерәбез, портал һәм мобиль өстәмә аша коммуналь хезмәтләр өчен түләгәндә комиссия 1%, башка хезмәтләр өчен 2% тәшкил итә. Дәүләт пошлинасы, салым һәм хәйрия взнослары комиссиясез алына.