Полиция Кыш Бабае
Кыш бабай һәм Кар кызы костюмнары кигән полиция хезмәткәрләре район авылларында яшәүче балаларны якынлашып килүче Яңа ел белән котладылар һәм аларга бүләкләр тапшырдылар.
Сөйки, Кирельский, Затон, Кама Тамагына алар эш машинасында бардылар, кешеләр салоннан чыккан әкияти персонажларны елмаеп каршы алды.
«Кама Тамагы» полиция бүлегенең балигъ булмаганнар белән эшләү буенча өлкән инспекторы Нурзәл Галимова билгеләп үткәнчә, акция балаларга бәйрәм кәефе бүләк итүгә юнәлдерелгән. «Болар – күп балалы гаиләләр дә, имин, әмма безнең карашка, аерым игътибарга һәм ярдәмгә мохтаҗ гаиләләрдән опекага алынган балалар да», - ди ул.
Әлбәттә, кунакларны шатланып каршы алдылар, иң кечкенәләре шигырьләр сөйләде, талантларын күрсәтте һәм, әлбәттә, тәм-том һәм уенчыклар белән тулы матур пакетларны актарырга ашыктылар.
Өлкәннәр балаларга Яңа ел алдыннан бәйрәм кәефе бүләк итте.
Бүләкләр әзерләүдә «Кама Тамагы» полиция бүлегенең барлык хезмәткәрләре дә катнашты, һәрберсе үз өлешен кертте. Нурзәл Марат кызы бу чараның традициягә әверелүен билгеләп үтте: «Без ел саен балаларга Яңа ел яллары алдыннан бүләкләр өләшеп, бәйрәм ясарга тырышабыз!» - диде ул.
Следите за самым важным и интересным в Telegram-каналеТатмедиа
Нет комментариев