Уйлар, уйлар...
Уйлар, уйлар... Кайчак алар – тып-тын Җәйрәп аккан елга агымы, Кайвакытта күңел ярсулана, Әйтерсең лә диңгез давылы.
Уйлар, уйлар...
Кайчак күккә аша,
Галәмнәрне кайта әйләнеп.
Кайчак болыннарда чалкан ята,
Чәчәкләргә иркә бәйләнеп.
Уйлар, уйлар...
Төрле-төрле була,
Агы була, кайчак – карасы...
Уйлар, уйлар – кеше яшәеше –
Туу белән үлем арасы.
Рифат Җамал
Следите за самым важным и интересным в Telegram-каналеТатмедиа
Нет комментариев