Үз эшен ачкан

Миңниса Миңнуллина тумышы белән Шәпкә авылыннан.

Мәктәпне тәмамлаганнан соң Казанга китә, анда кияүгә чыга, балалар үстерә. Озак еллар "Оргсинтез" заводы профилакторийсендә повар булып эшли. Узган елны Миңниса үз эшен ачарга була. Авылга күченә, бина карый һәм икмәк пешерергә алына. Бүген ХППда аның мини-перканясы авыл чикләреннән дә таныш. - Мин макарон цехы да ачар идем, әмма арендага алынган бина бу максатлар өчен кечкенә,- ди Миңниса. - Әмма мин бер урында тормыйм, пироглар пешереп карадым, яхшы гына килеп чыга. Минем өчен иң мөһиме - кешеләр мин пешергән ризыкларны рәхәтләнеп ашый. Тагын киләләр, димәк, юкка гына тырышмыйм. Ә бина табачакмын һәм планнарымны гамәлгә куячакмын.