Квалификация ярышлары

10 гыйнварда Иске Чүпрәле авылының «Акчарлак» бассейнында йөзү буенча квалификация ярышлары булды. Ярышларның төп хөкемдары - Светлана Чепик, республика категориясе хөкемдары.

Ярышлар разрядлар бирү максатында үткәрелде. Кама Тамагы раойны укучылары Елизавета Тимина, Диана Кәримова, Ярослав Хахалев, Адель Төхвәтуллин, Анжелика Крупина, Полина Борисова, Екатерина Григорьева, Алинә йосыпова (тренерлары А. Сорокин) ярышларда катнаштылар һәм район ярышларында алган спорт разрядларын саклап калдылар. Ярышларда шулай ук Саба, Кукмара, Буа, Апас, Чүпрәле һәм безнең районнар катнашты.