Кама Тамагыннан абсолют чемпион

Кама Тамагыннан Ислам Сәйфиев терәк-хәрәкәт аппаратына зыян килгән 17 яшькә кадәрге балалар арасында бадминтон буенча Россия Беренчелегенең абсолют чемпионы булды. Аның тренеры Альберт Ильин I дәрәҗә диплом белән бүләкләнде.

– Ислам бадминтон белән ике ел шөгыльләнә, - ди Альберт Ильин. - Узган ел ул парабадминтон буенча яшүсмерләр арасында Россиянең абсолют чемпионы булды, быел үз титулын раслады. Үз күрсәткечләре нәтиҗәсендә, Россиянең яшүсмерләр җыелма командасы составына һәм парабадминтон буенча Татарстан Республикасының өлкәннәр җыелма командасы составына керде. Бүген бу Россиянең беренче ракеткасы һәм киләсе елда ул инде илнең өлкәннәр җыелма командасы составына керәчәк.