Футболчылар эссегә каршы

30 градус эссе булуга карамастан, 27-28 июньдә Куйбышев Затон футбол кырында икенче лига ТР Беренчелеге кысаларында футбол матчлары үткәрелде.

Ярыш алдыннан спортчыларны МР башлыгы урынбасары Газинур Габидуллин һәм спорт мәктәбе директоры Александр Кочетков сәламләде. 27 июньдә очрашуга ике команда - Питрәч һәм Васильево бистәсе командалары килгән иде. Өченче команда Кама Тамагыннан булды. Алар үз төркемнәрендә иң көчлеләр булып, Питрәч командасын 2:1, Васильево командасын 4:2 исәбенә җиңде. Җирәбә буенча әлеге төркемдә дүртенче булган Тәтеш районы командасы очрашуга килмәде. Нәтиҗәдә безнең команда беренче әйләнештә 6 очко җыйды.