Биш тапкыр чемпион булды

Теләче районында төрле категориядә сәламәтлекләре буенча мөмкинлекләре чикләнгән спортчылар арасында армрестлинг буенча Татарстан Республикасы Беренчелеге һәм Чемпионаты узды.

Ярышларда республикабызның 12 шәһәреннән һәм районыннан 17 команда катнашты. Динар Мифтахов ныклы көрәштә иң яхшы нәтиҗәгә иреште.

Безнең чемпион социаль челтәрләрдә актив рәвештә үзенең аккаунтын алып бара, спорт һәм сәламәт яшәү рәвеше сөючеләрне уңышлары белән рухландыра. Сынауларны җиңгән кешенең икеләтә көчлерәк булуын ул үз мисалында исбатлый.