Бадминтончыга спорт разряды бирелде

Спортчының уңышлары турында без уку елы дәвамында язып тордык. Һәм менә спорт мәктәбе укучысы Данияр Галиуллинга беренче спорт разряды бирелде. Спортта бу аеруча мөһим, чөнки ярышларда катнаша-катнаша осталык дәрәҗәсе арта, спортчыны яңа җиңүләргә этәрә торган яңа рекордлар куела.

- Данияр – спорт мәктәбенең перспективалы бадминтончыларының берсе, - ди спорт мәктәбе директоры Эльвира Ильина. – Ул, район намусын яклап, төрле дәрәҗәдәге ярышларда даими катнаша.