Идел таңнары

Кама Тамагы районы

18+
Рус Тат
2024 - Гаилә елы
Спорт

«Август-Агро» ИК спартакиадасы старт алды

Зур холдингның филиаллары арасында инде өченче ел спорт ярышлары уза.

Минифутбол буенча турнирда 8 ир-атлар командасы һәм 3 хатын-кызлар командасы очрашты. 

Спортны ярату, команда рухы һәм җиңүгә омтылыш белән берләшкән «Август-Агро» предприятиеләре төркеменең йөздән артык хезмәткәре Татарстанның төрле почмакларыннан ярышларга җыелды.

Филиаллар ярышларга берәр ир-атлар командасы җибәргән, Кайбычның өч филиалы, Кама Тамагы һәм Мөслим үз составларын хатын-кызлар командалары белән тулыландырды.

Спортчыларны «Август-Агро» ИК генераль директорының җитештерү буенча урынбасары Илнар Харисов һәм Кама Тамагы муниципаль районы башкарма комитеты җитәкчесе Ринат Заһидуллин сәламләде. Алар спортчыларга кызыклы һәм намуслы уен, яхшы кәеф теләделәр.

Спортчылар алдында «Ассоль» балалар бию коллективы,  район мәдәният йорты хореографы Марат Сәхибгәрәев чыгыш ясады.

Беренче матч Кайбычның «Яшь гвардия» һәм Лениногорскиның «Легион» командалары арасындагы уен белән башланды. 

2024 елгы Спартакиаданың беренче голын беренче уенның соңгы минутында Лениногорск филиалының өлкән юристы Михаил Денисов кертте, ул узган турнирның иң нәтиҗәле уенчысы иде. Гол  хәлиткеч булды һәм аның командасына җиңү китерде.

Соңрак ярышларга район башлыгы Наил Вазыйхов килде, ул ярышлар арасындагы нәтиҗәләр белән кызыксынды һәм холдингның Кама Тамагы филиалы командасының уенын уңай бәяләде.

Бу вакытка «Идел-Кама» командасы беренче әйләнештә Теләчедән килгән көндәшләрен 3:0 исәбе белән җиңде, безнең хатын-кызлар командасы шундый ук исәп белән Мөслим районы командасын җиңде. Безнең кызларга тиңнәр булмады. Кайбычлылар белән икенче уенда алар 5:0 исәбе белән җиңделәр. Нәтиҗәдә минифутбол буенча ярышларда җиңү яуладылар. Команда составына Альбина Шәймурзина, Светлана Пляшева, Алина һәм Елена Селиверстовалар, Татьяна Гаврилова керде. Запаслар эскәмиясендә  Эльвина Маннапова, Гүзәл Төхвәтуллина һәм Диана Яруллина аларны теләсә кайсы минутта алыштырга әзер торды.

Ир-атлар командасына көчле көндәшләр туры килде, алар беренче уенда җиңү яулады, икенчесендә җиңелделәр һәм ярыштан төшеп калдылар. Ир-атлар уеннарының финалында «Легион» командасы «Август-Агро» ИК командасы белән очрашты һәм 2:0 исәбе белән җиңү яулады.

Алда командалар волейбол һәм баскетбол буенча тагын ике ярышта катнашачак. Аларга уңышлар һәм яңа җиңүләр телибез!

Следите за самым важным и интересным в Telegram-каналеТатмедиа


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев