Тенештә хәрби операция зонасына посылкалар җибәрү дәвам итә

Шушы көннәрдә алар азык-төлек һәм кирәк-ярак тутырылган посылкаларны җибәргәннәр. 

Хәрбиләргә посылкалар җибәрү белән күп кенә структуралар шөгыльләнә, әмма җибәрүчегә бары тик «Россия почтасы» белән генә эш итәргә туры киләчәк. 

Почта элемтәсе бүлеге нәкъ менә почта белән шөгыльләнә. Һәм нәкъ менә анда барлык хәрби хат ташучылар эшли, алар мобилизацияләнгәннәргә посылканы дислокация урынына кадәр китереп җиткерәчәк. 

Почта яхшы эшли, тыелмаган һәрнәрсәне диярлек җибәрергә мөмкин. Күләме һәм авырлыгы чикләнмәгән диярлек. Җибәрергә ярамаган әйберләр исемлеге: корал; барлык төрдәге наркотик һәм көчле тәсирле матдәләр, әгәр инструкциясендә язылган булса, хәтта дарулар да; барлык төрдәге шартлаткычлар, зәһәр һәм тиз яна торган, шул исәптән горелка яки зажигалка кабызу өчен ягулык; барлык төрдәге агулар, хәтта паразитларга каршы кулланыла торган дарулар да; теләсә нинди акча, купюра һәм хәтта тәңкәләр; тиз бозыла торган ризык; бозыла торган һәм тирә-юньдәгеләр өчен куркыныч булган барлык нәрсәләр.