Батырлыгыгыз белән горурланабыз

Хәзерге вакытта ялда булган мобилизацияләнгән ир-атларның узган атнада муниципаль район башлыгы белән чираттагы очрашуы булды.

Безнең районнан мобилизацияләнгән тагын 10 ир-атның ялы 30 апрельдә тәмамлана.

Очрашуга барысы да килмәгән иде, кайберләре белән аралашып алдык. Тенештән Михаил Чумаков егерме ел элек хәрби хезмәт үткән.

- Без район халкына мобилизацияләнгәннәргә актив ярдәм күрсәткәннәре өчен рәхмәтле. Сез җибәргән бар нәрсә дә безгә кирәк, барысын да – приборларны да, маскировка челтәрләрен дә кулланабыз.

Владимир Расторгуев һәм Александр Гришин Рус Бортасы авылыннан. Безнең редакция көзен аларның гаиләләрендә булды, без бу егетләрнең әниләре, уллары өчен аларның ничек борчылулары турында яздык. Александр Гришинның акчалата тәэмин ителү мәсьәләсе озак вакыт хәл ителмәгән иде. Аны хәл итүгә хәрби комиссариат һәм район җитәкчелеге кушылды.

-23 февральдә барысын да алдым, - дип хәбәр итте Александр.

Бу егетләрнең, шулай ук Кирельскийдан Иван Лукинның һәм Красновидоводан Виктор Сидоровның хәрби частьләре ЛНРда урнашкан. Ә Яшелчә егете Илнар Гыйниятуллин – ДНРда. Сүз уңаеннан, Кече Салтык авыл җирлегеннән бары тик Радик Крымов кына ялда булмаган, калган мобилизацияләнгәннәр туган йортларында ял иткән.

Чәй табыны артында Наил Вазыйхов егетләрдән нинди ярдәм кирәклеге турында сорашты.

Мобилизацияләнгәннәр махсус операция зонасына җибәрү өчен кирәк-ярак һәм азык-төлек җыю белән шөгыльләнүче волонтерларга һәм район кешеләренә рәхмәт белдерде.

Район башлыгы, ир-атларга мөрәҗәгать итеп: «Без сезнең белән горурланабыз, батырлыгыгызга сокланабыз. Үз чиратыбызда, сезгә ышанычлы тыл булдыру һәм гаиләләрегезгә ярдәм күрсәтү өчен барысын да эшләячәкбез»,-диде.

Алгы сызыктагы сугышчыларга гуманитар ярдәм җибәрү мәсьәләләре буенча да фикер алыштылар. Очрашу ахырында һәркемгә азык-төлек тутырылган пакетлар тапшырылды.