Алтынга төренгән бәйрәм

Октябрь башында барлык мәктәпләрдә бәйрәм ыгы-зыгысы. Менә-менә иң мөһим бәйрәм - Укытучылар көне якынлаша. Укытучыларны һөнәри бәйрәмнәре белән котларга ата-аналар да, элеккеге хезмәттәшләре дә, элеккеге укучылары да ашыга. Безнең һәрберебез мәктәп аша узган, һәрберебезнең гомер буена яратып искә алган укытучыларыбыз бар. Шундый укытучыга тап булып, мәктәп елларын гомер буена яхшы яктан исәк алучылар бәхетле.

Мәгариф идарәсендә Укытучылар көнен ел саен зурлап билгеләп үтәләр. Биредә районның иң зур һөнәри коллективларының берсе тупланган. Район мәктәпләрендә барлыгы 400дән артык кеше эшли, шуларның 280гә якыны мәгариф өлкәсендә 20 елдан артык хезмәт куя. Укытучыларны район җитәкчелеге исеменнән МР башкрма комитет җитәкчесе Айрат Малюков котлады.