"Моңлы тамчы" фестивалендә

Тәтеш муниципаль районында балалар фольклор коллективларының республика фестивале үткәрелде. Аны республиканың традицион культураны үстерү үзәге, ТР "Яңа гасыр" иҗтимагый хәрәкәте сәяси советы башкарма комитеты һәм Тәтеш районы хакимияте оештырды. Безнең районнан анда Светлана Курчаева җитәкчелегендәге "Тау ягы" исемле балалар фольклор коллективы катнашып, сәхнәләштерелгән "Аулак өй" тамашасын күрсәтте. Икенче сайлап алу туры буенча алар дипломга лаек булды. Һәр катнашучыга бүләкләр тапшырылды. Балалар күтәренке кәеф белән кайтты.