Пандустан лифт кнопкасына кадәр

Цивилизацияле илләрдә инвалидлар өчен кулай мохит күптән нормага кергән. Бу юнәлештә эшләр алып барылса да, инвалидлар өчен барлык мөмкинлекләр тудыручы, аларга тормышның барлык өлкәләрендә катнашу өчен адаптацияле инфраструктура булдыруда, мөмкинлекләре чикләнгән кешеләргә карата позитив мөнәсәбәттә әле күп эшләргә кирәк.
2011 елның сентябрь аенда ТРда кабул ителгән "Кулай мохит" максатлы программа шул ук исемдәге федераль программаның бер өлеше булып тора.
Безнең республика инвалидлар һәм аз хәрәкәт итүче кешеләргә тормышның өстенлекле өлкәләрендә хезмәт күрсәтү һәм биналар, корылмалар, социаль инфраструктура объектларына керүгә уңай шартлар формалаштыру проектында катнаша.
Безнең муниципаль район территориясендә "Кулай мохит» программасын тормышка ашыру тулы көченә бара. «Богородский рай» халыкка комплекслы хезмәт күрсәтү үзәге үрнәгендә мөмкинлекләре чикләнгән кешеләргә бинага тоткарлыкларсыз үтү өчен нинди кирәкле компонент белән җиһазларга кирәклеген күрергә мөмкин.
«Богородский рай» КЦ СОН директоры Гөлназ Гайнетдинова үзәктә "Кулай мохит" программасы буенча нәрсәләр эшләнгәнен сөйләде:
-Бүгенге көндә бинага кергәндә пандуслар кую буенча төзелеш һәм эретеп ябыштыру эшләре алып барыла. Шулай ук юлдан бинага керү өчен дә пандус куелачак. Керү ишеге таләпләргә җавап биргән, чакыру кнопкасы куелган ишеккә алыштырылачак. Бинада уңайлыклар өчен мәгълүматлар экраны куелган, коридорларга начар күрүчеләр өчен сары полосалы билге ясалачак.
Гардеробка начар күрүчеләргә уңайлы булсын өчен индукцион элмәкләр куелачак, шулай ук программа таләпләре буенча махсус санитар-гигиена биналарына инвалидлар өчен чакыру кнопкалы һәм тиешле югарылыкта тоткычлар җиһазландырылачак.
Чынлап та, үзәктә мөмкинлекләре чикләнгән кешеләргә дәвалануны һәм анда булуны уңайлы итү өчен шактый эшләнә.
Районда "Кулай мохит" программасында башка оешмалар да катнаша, шул исәптән үзәк район сырхауханәсе, социаль-мәдәни билгеләнештәге оешма һәм учреждениеләр, хезмәт күрсәтү өлкәсе объектлары, күп фатирлы торак йортлар, җәяүлеләр зонасы һ.б.
Программа безнең өчен фәнни һәм әһәмиятле. Иң мөһиме, мөмкинлекләре чикләнгән кешеләр өчен кулай мохит булдырырлык эшләр башкарылсын иде.
Икенче төрле әйткәндә, әгәр пандус икән- ул барлык төзелеш нормаларына туры килергә һәм коляскада утыручы инвалид аннан бернинди ярдәмсез үзе генә үтә алырлык булсын, әгәр ул керү ишеге икән, алар яхшы ачылырга, әгәр санитар-гигиена бинасы булса, алардан мөмкинлекләре чикләнгән кешеләр файдалана алырлык булырга тиеш.