Кама Тамагында кышкы уеннар юбилеен каршылап

- Иң беренче уеннарны хәтерлим әле. Алар гомуми исәпкә кермәсәләр дә, район тормышында мөһим вакыйга булдылар һәм әлеге зур спорт хәрәкәтенә старт бирделәр. 1982 елда мин Келәнче мәктәбе укучысы идем һәм Тукай колхозы командасы составында Кече Салтыкта узган уеннарда спортның ике төре буенча ярышта катнаштым. Хәтерлим, чаңгы эстафетасында миңа грамота тапшырдылар, димәк, безнең команда призлы урын яулаган. Ә менә көрәштә, хәтерлим, финалда җиңелдем. Аннары берникадәр вакыттан соң Якуб Бәхтиевка оттыруымны белдем. Ул миннән өлкәнрәк, көрәшче буларак тәҗрибәлерәк тә, әмма авырлык категориябез бер иде. Икенче елда районда андый уеннар үткәрелмәде, соңрак инде мин ВУЗ студенты булдым һәм берничә ел рәттән уеннарда катнаша алмадым. Районга кайткач, Кама Тамагы өчен уйный башладым. 1991 елда район спорт комитетында эшли башладым һәм бу спорт уеннарын миңа 10 ел дәвамында оештырырга туры килде. Бу чакта ярышлар колхозлар арасында түгел, авыл җирлекләре арасында үткәрелде. Командага җирлек территориясендә яшәүче һәм анда туып үскән барлык кешене дә алалар иде. Башта Кама Тамагы командасы иң көчсез командаларның берсе булды. Призлы урыннарны Олы Кариле, Келәнче, Иске Казиле, Кече Салтык авыл җирлекләре яулап килде.

Фәрит Мәхмүт улы Рәхмәтуллинны искә алмый мөмкин түгел, ул хоккей фанаты иде һәм бу спорт төрен яшьләр арасында үстерде. Элек Балтач мәктәбе директоры булды. Әлеге җирлек командасы районда иң көчлесе булып саналды, ярышларда даими призлы урыннар алдылар. Фәрит абый Иске Барышка эшкә күчкәч, хоккейны яшьләр арасында үстерү эшчәнлеген биредә дә дәвам итте.

Ахырын газетадан укыгыз