ЮХИДИ штрафларын 20 көн эчендә түләгән затларга 50 процент ташламалар каралачак

2016 елның 1 гыйнварыннан юл хәрәкәте иминлеге дәүләт инспекциясе штрафларын 20 көн эчендә түләгәндә 50 процент ташлама бирелүе турында яңа канун үз көченә керде.

1 гыйнвардан административ хокук бозу турында карарда түләнергә тиешле административ штраф суммасы (штраф суммасының яртысы) өстәмә күрсәтелә.

Әгәр карарны кабат тикшерергә теләмисез икән, аны гадәттәгечә - үзегез өчен уңайлы ысул: банк, терминал, интернет-банкинг, сайт һәм мобиль кушымталар ярдәмендә, электрон түләү системалары аша түләргә мөмкин. Шул ук вакытта, штрафны онлайн-сервис аша тикшерергә һәм түләргә теләсәгез (мәсәлән, Дәүләт хезмәте, юл хәрәкәте иминлеге дәүләт инспекөиясе сайтында), 20 көнгә кадәр түләү өчен карарда штрафның ярты суммасы, 21 көннән соң тулы сумма күренәчәк.