Үзәк яңартылды

Алар арасында – муниципаль район башлыгы Наил Вазыйхов, МР башкарма комитеты җитәкчесе вазыйфаларын башкаручы Рөстәм Баржанов, “Арстрой” фирмасы директоры Адель Гомәров бар иде.
– Без төзүчеләргә бу бинаны җылы, уңайлы һәм заманча иткәннәре өчен рәхмәтле, – диде үзәк җитәкчесе Наталья Кадыйрова. - Хәзер безнең төзекләндерелгән сервер бүлмәбез, уңайлы кабул итү урыны, хезмәткәрләр өчен уңайлы кабинетларыбыз бар. Зур эш башкарылды, аның сыйфаты соклану уята.
– Диварларны һәм идәнне сүткәч, эш планын тулысынча үзгәртергә туры киләчәге аңлашылды, - диде Гадел Гомәров. - Каркасны ныгытырга, диварларны, идәнне ныклап җылытырга туры килде. Ягъни эш күләме планлаштырылганнан күпкә күбрәк иде, шулай да без булдырдык.
– Җәй көне бинада бик эссе иде, бердәнбер кондиционер суыту күләмен башкара алмады, - диде Наталья Геннадьевна. - Ә кышын без туңдык, чөнки бинаның керү юлы өстендә җиһазландырылган кабинетлар начар җылытылган иде. Хәзер һәр кабинетта кондиционер бар, һәм без җылыту системасының сыйфатлы эшләнгәненә, кыш көне биредә дә хәзерге кебек үк уңайлы буласына өметләнәбез.
Наталья Геннадьевна Гадел Гомәровка Рәхмәт хаты тапшырды.
Моннан тыш бинаның дизайны үзгәргән, биредә интерактив табло, декрет ялындагы әниләр белән аралашканда, балалар өчен почмак, уңайлы диван барлыкка килгән. Ә ачык төсләр эш эзләүче кешегә ышаныч бирә.
Наил Альберт улы кабинетларны карап чыкты, башкарылган эшләргә югары бәя бирде, төзүчеләргә рәхмәт белдерде һәм үзәккә барлык эшсезләрнең алар ярдәме белән районыбызда тиз арада эшкә урнашуларын теләде.