Җәмгыять
Тормыш давылларына бирешмәгән күп балалы ана
Олы Кариле авылының алдынгы сыер савучы Валентина Сафина бүгенге көндә лаеклы ялда, әмма аның төп байлыгы — 2008 елда ире үлгәннән соң ялгызы үстергән биш баласы. Шул ук вакытта ул 2010 елга кадәр фермада сыер савучы булып эшләвен дәвам иткән.
Язмабыз герое Чувашиядә туган. 1983 елда 23 яшьлек кыз Кама Тамагы районына урып-җыю эшләрендә катнаша, ул чакта колхозга ярдәмгә башка республикалардан да эшчеләр җибәрелгән. Фермада терлекче булып эшләгән Бәби авылы егете белән шунда таныша. Язмышны хәл иткән очрашу туй белән тәмамланган, колхоз яшь гаиләгә Олы Кариле авылында йорт биргән һәм биш балалары туу әлеге гаилә тарихының лаеклы дәвамы булган.
Кызганыч, күп балалы анага, ире вафатыннан тыш, тагын бер тетрәнү кичерергә туры килгән – 2 ел элек улы фаҗигале рәвештә һәлак була.
Әмма Валентина Сафина, үз өлешенә туры килгән барлык сынауларга да карамастан, нык кеше: уңайлы һәм матур йортында еш кунаклары – кызлары һәм оныклары, аларны ул һәрвакыт елмаеп һәм җылы сүз белән каршы ала. Без килгән көнне дә Рудникта яшәүче һәм эшләүче кызы Гөлнара кунакта иде. Аның белән бергә укучыбызның Ая дигән матур исемле оныгы да бар иде. Калган кызлары да әти-әни йортын онытмый – Гүзәл Кама Тамагында шәфкать туташы булып эшли, Эльмира – балалар бакчасында тәрбияче, ә Роза-Казанда супермаркет администраторы. Өстәвенә, күп балалы әни Валентина Сафина-күп оныклы әби дә: аның инде 8 оныгы бар, бу сөендерми кала алмый.…
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев