Тиздән су булыр

Олы Мәрәтхуҗа авылында халыкны су белән тәэмин итүче суэтем башнясы насосы сафтан чыккан.

Җәен су җитмәү яки су белән тәэмин итүдә өзеклекләрне халык авыр кичерә. 4 июльдә биредә авыл җыены үткәрелгән. Олы Салтык җирлек башлыгы Хәлим Ибәтов һәм «Уют» МУП җитәкчесе Руслан Хәлилов халыкка килеп туган хәлне җентекләп аңлатты. 10 көн эчендә көчлерәк насос куелачак. Халык проблеманы аңлый һәм бераз көтәргә риза. Әлегә алар кое, чишмә суын кулланалар, терлекләр өчен су күп кирәк булганда суны ферма башнясыннан ташый.