Стадионда музыка яңгырады

Бүген Куйбышев Затонда елгачылар көненә багышлап поселок көне үткәрделәр. Стадионда поселок эшмәкәрләре сәүдә оештырган, мунициаль берәмлек башкарма комитеты балалар өчен аттрацион оештыручылар чакырган, үзешчән сәнгатьтә катнашучылар Нептун көне тамашасы әзерләгән. Елгачыларны һөнәри бәйрәмнәре белән котларга МР башлыгы Зөфәр Гарәфиев килгән иде. РФБ ЯАҖ директоры Наил Вазыйхов предприятиенең иң яхшы хезмәткәрләренә мактау грамотлары тапшырды.

- Кичен поселокта Затон, Кама Тамагы һәм Тәтеш музыка төркемнәре катнашында рок-концерт була, ул дискотекага күчеп, матур салют белән тәмамланачак,- ди башкарма комитет җитәкчесе Гөлназ Григорьева.

Фоторепортажны сайтта карагыз.