Социаль ярдәм

Социаль яклау бүлеге җитәкчесе Гөлназ Сафина хәбәр иткәнчә, узган ел «Кама таңнары» коммерцияле булмаган автоном оешмасында 415 пенсионер һәм инвалид ял иткән, аларның 77 се – безнең район кешеләре. “2025 елда социаль хезмәт күрсәтү үзәге тоз белән дәвалау бүлмәсе булдыру өчен грант конкурсында катнашырга планлаштыра”, - дип өстәде оешма директоры Ләйсән Садыйкова.

«Богородский рай» халыкка социаль хезмәт күрсәтү үзәге директоры Наталья Зиннәтова үз чыгышында болай дип билгеләп үтте: «Халыкка социаль хезмәт күрсәтү комплекслы үзәгендә ике бүлек бар: гаиләгә һәм балаларга социаль ярдәм күрсәтү бүлеге һәм өйгә барып социаль хезмәт күрсәтү бүлеге. 

18 социаль хезмәткәр өлкән яшьтәге гражданнарны һәм инвалидларны карый. 2024 елда өйдә 149 кешегә хезмәт күрсәтелгән, алар арасында 19 тыл хезмәтчәне һәм махсус хәрби операциядә катнашучыларның өч ата-анасы бар. 

Министр урынбасары Наталья Бутаева социаль яклау бүлегенә иганә ярдәме өчен эшмәкәрләрне җәлеп итәргә киңәш итте. 

Чара бүләкләү тантанасы белән тәмамланды. Тәмте авылы социаль хезмәткәре Лидия Авксентьевага һәм районның аз керемле гражданнарына ярдәм күрсәткән шәхси эшмәкәр Рамил Ямалиевка район башлыгының Рәхмәт хатлары тапшырылды. Җыелышта шулай ук Рамилнең хатыны Гүзәл дә катнашты, аңа күп балалы гаилә таныклыгы тапшырылды.