Сабан туе - күпмилләтле бәйрәм

Сабан туе - татар халкының төгәл датасы билгеле булмаган, әмма, кагыйдә буларак, майның соңгы һәм июньнең беренче көннәрендә үткәрелүче бөтен дөньяга танылган милли бәйрәме. Сабан туе нәрсә ул һәм татар өчен нинди әһәмияткә ия? Ул - чын мәгънәсендә халыкчан һәм берүк вакытта спорт чарасы да. Анда һөнәри спортчылар гына түгел, күпсанлы тамашачылар арасыннан теләге булган һәркем катнаша ала. Соңгылары көч сынашучылар арасында мәзәк хәлләр чыгарып, бәйрәмгә үзенә бер төрле күңеллелек өсти. Шуңа күрә Сабан туе татарларда гына түгел, башка милләт халыклары арасында яратып, көтеп алынган бәйрәм.