Приютта кунакта

Кама Тамагы татар урта гомуми белем бирү мәктәбе директоры Альберт Мифтахов, 9 сыйныф җитәкчесе Римма Нәбиуллина, 9 сыйныф укучылары Алсу Сөнгатова, Гүзәл Гыйләҗева "Өмет яры" приюты балалары белән очрашты. Алар приютта тәрбияләнүче балаларга тәм-томнар алып барды. Хезмәткәрләр кунакларны ачык йөз белән каршы алды. Бүлмәләр чиста, якты, тәрбияләнүчеләр өчен бөтен мөмкинлекләр дә бар. Ашханәдә бик тәмле ашаталар. Кунаклар педагоглар белән дә, балалар белән дә ачыктан-ачык кызыклы әңгәмә кордылар. Ике як та бу очрашудан канәгать калды, үзара хезмәттәшлек алга таба да дәвам итәр дигән фикердә калабыз.