Матур гадәткә әверелде

Хокук һәм суд системасы мәсьәләләрендә балигъ булмаганнарны хокукый тәрбияләү һәм агарту максатында 16 ноябрьдә район суды бинасында Кама Тамагы урта мәктәбенең 10 сыйныф укучылары өчен Ачык ишекләр көне үткәрелде.
Судның әлеге агарту эше чыгарылыш сыйныфы укучылары өчен ел саен үткәрелә һәм ул матур гадәткә әверелде.Укучыларны суд администраторы Альберт Сәлимов һәм судья ярдәмчесе Илмира Тәхәветдинова каршы алды. Гражданнар эше каралучы кечкенә утырышлар залында суд хезмәткәрләре укучыларга лекция укыды. Алар балаларга суд тарихы, аның төзелеше, Россия суд системасы үзенчәлекләре, төрле категория өчен эшләрне тикшерү тәртибе турында сөйләде. Укучылар кызыксынып тыңлады һәм суд һәм суд системасы эшчәнлегенең төрле аспектлары турында белгечләргә сораулар бирде. Судья ярдәмчесе үзенең һөнәри карьерасы этаплары, уку процессы һәм төрле тармакларда юрист эше нюанслары турында бәян итте. Укучыларга гражданнарны кабул итүне оештыру белән танышу, судның мәгълүмати-хокукый порталы эшен күрү мөмкинлеге булды.
Аннары суд бинасына сәяхәт кылынды - балалар суд утырышы залларын, конвой бүлмәсен, судның кабул итү бүлмәсен, судьялар, суд администраторы һәм суд утырышлары секретарьлары кабинетларын, канцелярия, архив һәм әйберләтә дәлилләр бүлмәсен карады. Сәхнәләштерелгән суд утырышында катнашу укучылар өчен күргәзмә- дәрес булды һәм укучылар анда үзләре катнашты. Укучылар үзләрен процесста катнашучылар урынында тоя алдылар: гаепләнүче кебек махсус җиһазланган читлектә утырды, шаһит кебек күрсәтмәләр бирде, суд приставы кебек суд залында тәртип урнаштырды.
Суд рәисе Э. Бариев укучыларга тикшерелә торган җинаять эшенең үзенчәлекләре, процесс барышында барлыкка килгән төрле казуслар, судья вазыйфасына дәгъва кылучыга карата куелган таләпләр, судья ия булырга тиеш сыйфатлар турында сөйләде. Балалар «булгария» теплоходы бату кебек «громкий эшнең» детальләре белән кызыксынды. Үз чиратында, суд рәисе укучылар тормышы белән кызыксынды, алар исә сәламәт яшәү рәвешен һәм тәмәке тартудан баш тартуны пропагандалаган волонтерлар хәрәкәтендә катнашулары турында аңлаттылар. Сәяхәт кылуның тагын бер максаты - суд хакимиятенең асылын, гамәл кылган өчен гражданлык һәм җинаять җаваплыгы каралу мөмкинлеген билгеләү һәм аңлау, шулай ук суд утырышы залында үзеңне ничек тотарга кирәклекне аңлату юлы белән аның абруен һәм кулайлыгын арттыру.
Күрелгән һәм ишеткәннәр балаларда зур тәэсир калдырды, Әлеге очрашу күпләре өчен хәлиткеч булыр, бәлки, чөнки киләсе елда аларга тормышта үз юлларын сайларга туры киләчәк.
10 сыйныф җитәкчесе Чулпан Мөхәммәдиевага сәяхәтне оештырганы өчен рәхмәтебезне әйтәбез. Укучыларның күпчелеге әлеге сәяхәттән соң булачак һөнәрләрен юриспруденция белән бәйләр дип өметләнәбез.