Лотерея бәхетле ачыклады + ФОТОРЕПОРТАЖ

Узган җомгада Кирельск элемтә бүлекчәсендә "Идел таңнары" (Волжские зори") газетасын яздыручылар арасында электр тиммеры уйнатылды.

Биредә безгә бүлекчә җитәкчесе Резедә Әсхәдуллина зур булышлык күрсәтте. Ул газета яздыручыларның барысын да барлап, газетаны 6 айга яздыручыларны сайлап, барлык фамилияләрне кәгазьгә язган иде. Почта элемтәсе бүлекчәсендә уйнату өчен хәтта лототрон да табылды.

Бүлек мөхәррире Гөлшат Шәрәфетдинова Ишим авылы хат ташучысы Зифа Минвәлиева, Резедә Әсхәдуллина һәм редакция хезмәткәре катнашында бәхетленең фамилиясе язылган кәгазьне тартып чыгарды. Ул Кирельск авылыннан Светлана Митряева иде. Светлана Митряеваның безнең газетадан кала тагын күп кенә газета-журналлар яздыручы икәнлеген белгәч. шатлыгыбызның иге-чиге булмады.

Ул яздырган газеталар арасында "Жизнь". "Казанские ведомости", "Волжские зори", "1000 советов" журналы бар. Светлана Кирельск бүлекчәсе ашхашәсендә пешекче булып эшли. Ул эшчеләр өчен икмәк пешерә, әмма ул авыл халкына да җитә. Беренче тапкыр бүләк уйнаткан вакытта шундый ачык йөзле, матур ханым белән очрашуыбызга шат булдык.

Әбүнәчеләр игътибарына шуны җиткерәбез, август башында тагын бүләк уйнатачакбыз. Анда катнашырга теләүчеләр газетабызга 5 айга языла ала.

Игътибар! Бүләк июльдә безнең газетага кимендә 500 кеше өстәмә язылган очракта гына уйнатылачак. Бу юлы СТРЕМЯНКА уйнатыла. Безнең газетага язылган һәркемнең газетага язылу бәясеннән кыйммәт булган приз алу мөмкинлеге бар.