Көз җитте: пыскак яңгырлы көн көтә

Татарстан Гидрометеорология һәм әйләнә-тирә мохитне күзәтү идарәсе хәбәр итүенчә, бүген - 11 сентябрьдә, республикада аязучан болытлы һава торышы хакимлек итәчәк. Пыскак яңгыр көтелә.

Төньяктан искән җил артык көчле түгел. Көндезге сәгатьләрдә Татарстанда уртача11-16 градус җылы булачак. Иң югары һава температурасы көньяк районнарда күзәтелсә, төньяк-көнчыгышта ул 12-14 градустан да югары күтәрелми.

Казанда синоптиклар бик үк яңгырлы һава торышы ышандырмый. Һава температурасы 11-14 градус кына җылы булачак.

12 сентябрьгә каршы төндә бераз яңгырлар булуы ихтимал. Һава температурасы 2-7 градуска кадәр төшә.

http://intertat.ru/