КӨРӘЛЕ: могҗизалы ташлар төсләрен үзгәртә

Узган ел бу иҗат коллективы Гөлшат Мөхәммәтшинаның «Ике аккош» пьесасын сәхнәгә куйган иде. Әлеге спектакль, сәхнәләрдә уңышлы куелып, тамашачыларны куандырды. Бу юлы коллектив сәләтле якташыбызның яңа пьесасын алган, һәм премьера театр сөючеләрне янә Көрәле авылының кечерәк кенә, әмма уңайлы мәдәният йортына җыйды. 

Сәхнәдә тасвирланган вакыйга безнең көннәрдә бара, баерга теләүче күрәзәчеләр күпләрнең фаразлар өчен акча түләргә әзер булуыннан файдалана. 

Ә спектакль азагында могҗиза булды, ташлар чыннан да тылсымлы булып чыкты – намус буенча яшәргә кирәклеген аңлаган геройларның уйлары кебек, алар карадан акка әверелде. Шул рәвешле, автор һәрберебез өчен мөһим булган мәсьәләләрне күтәрде, артистлар сәхнәдән аларны бик оста җиткерделәр, ә тамашачылар талантлы якташларын алкышларга күмде.