Идел таңнары

Кама Тамагы районы

18+
Рус Тат
2024 - Гаилә елы
Җәмгыять

Киләсе елга ана капиталының ничә сум булачагы билгеле

2024 елда индексациядән соң ана капиталы беренче балага — 631 мең сум, икенче һәм аннан соңгы балага 834 мең сум тәшкил итәчәк. Бу хакта «Бердәм Россия»нең программа комиссиясе утырышында хезмәт һәм социаль яклау министры Антон Котяков белдерде.

Аның сүзләренчә, сумма инфляция дәрәҗәсенә яки 7,5 процентка артачак.

Киләсе елда сертификатны бер миллионнан артык гаилә алыр дип көтелә, дип төгәллек кертте министр.

Торак шартларын яхшырту — бүгенге көндә ана капиталы акчасын куллануның иң популяр юнәлеше, дип билгеләп үттеләр Хезмәт министрлыгында. Ел башыннан 470 меңгә якын гаилә аның ярдәмендә торак шартларын яхшырткан. Популярлыгы ягыннан икенче юнәлеш — өч яшькә кадәрге балага айлык түләүне рәсмиләштерү. Аны 318 меңнән артык гаилә алган инде. Тагын 205 мең гаилә ана капиталын балаларга белем бирүгә файдаланган.

Элегрәк Дәүләт Думасында ана капиталы акчасын «ике гаилә өчен» йорт реконструкцияләүгә рөхсәт бирүче закон проекты беренче укылышта кабул ителгән иде. Бүген сертификат акчасын тулысынча бер гаилә милкендә генә булган йортны төзү яки реконструкцияләү өчен генә кулланырга мөмкин.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев