Кама Тамагының "Салават күпере" исемендәге 1 нче номерлы балалар бакчасында "Туган тел" бәйрәме үтте

Балалар бакчасына төрле милләт балалары йөри. Әлеге бәйрәм чарасы - үзара дуслыкны, татулыкны тагын да ныгыту чарасы булып тора. Балаларда туган телгә карата хөрмәт, мәхәббәт тәрбияләүгә Мурадимова А.И., Ханбикова Э.З., Ибатова Д.Ш. зур көч куя.

Бәйрәмдә балалар туган телләренә багышланган шигырьләр сөйләделәр, җырлар җырладылар, рус, татар халык биюләрен биеделәр. Бәйрәм барлык балалар һәм кунаклар башкаруында сөекле Тукаебызның "Туган тел" җыры белән тәмамланды.

Туган телебезне онытмыйча, башка телләрне дә өйрәник, дус,тату яшик!