Чара «Яшьләр һәм балалар» илкүләм проекты кысаларында Россия Президенты Владимир Путин тәкъдиме буенча оештырылды һәм икенче ел рәттән үткәрелде. Бу көннәрдә 2000нән артык кеше – махсус хәрби операция ветераннары, экспертлар һәм волонтерлар 21 компетенция буенча узган ярышларда катнашу өчен Казанга җыелды.

Соңгы секундта соңгы шөреп бөтерелде

Ярышларга беренче булып чемпионатта "Җиһаз җыючы” компетенциясендә катнашучы Кама Тамагыннан Ильяс Әхмәтдинов кереште.

- Ильяс үзенең ярыш көнен барлык куелган бурычларны үтәп төгәлләде, - диде «Ватанны саклаучылар» фондының социаль координаторы Ирина Кузиева. - Бу искиткеч булды, хис-кичерешләр чамадан тыш иде. Экспертлар да, тренерлар да, барлык җанатарлар да ахыргы секундта соңгы шөрепне борып, тумба өстәлгә куелгач, җиңел сулап куйдылар…

Бер сәгать эчендә ике компьютер җыярга

Махсус хәрби операция ветераны Евгений Матросов безнең район исеменнән чемпионатта «Электрон җиһазларны җыю-сүтү” компетенциясендә чыгыш ясады. Әлеге компетенциягә электрон җайланманы җыю-сүтү һәм әлеге җайланмадагы җитешсезлекләрне ачыклау һәм бетерү керә.

- Ярышларда барлыгы өч модуль үтәргә кирәк иде: беренче модуль - ике компьютер процессорын сүтеп, комплектлаучы детальләрне дөрес итеп таратып салырга кирәк иде. Икенче модуль-комплект детальләреннән компьютер җыеп, аны эшләтеп җибәрергә, ә иң катлаулысы-өченче модуль: 1 сәгать 10 минут эчендә ике компьютер җыярга кирәк, ә ярышлар башлану вакыты - кичке 8, - ди Ирина Александровна, ул безнең катнашучыларны чемпионат дәвамында озатып йөрде һәм аларга ярдәм итте.  Ләкин безнең Евгений – чын сугышчы, ул бирешми һәм барлык сынауларны да лаеклы үтте.…

Менә шулай безнең Ватанны саклаучылар киң кулланылыш спектрына ия булган яңа күнекмәләр алалар, алар аларга үз-үзләрен тормышка ашырырга, тыныч тормышка кайтырга гына түгел, ә бу тормышта үз урынын алырга да ярдәм итәләр.…

Ильяс Әхмәтдинов"мебельщик" компетенциясендә икенче урынны алды