Ике машина белән кайттылар

26 декабрьдә Казан шәһәрендә Татарстан Республикасы муниципаль берәмлекләрнең VII съезды үткәрелде. Съездга муниципаль берәмлек башлыклары җыелды. Безнең районнан да муниципаль район башлыгы Зөфәр Гарәфиев җитәкчелегендә 21 кеше һәм өч чакырылучы катнашты.

Съездда муниципалларда килеп туган проблемалар тикшерелде, анда билгеле бер карарлар кабул ителде.

Кирельск авыл җирлеге конкурс йомгаклары буенча муниципаль берәмлекләр арасында "Нива шевроле" җиңел машинасы белән бүләкләнде. Муниципаль районга "Форд фокус" автомашинасы бирелде.