«Яулаган үрләрне саклап калу мөһим»

Кечкенә генә клубта төрле даталарга багышланган чараларга йөздән артык тамашачы һәм катнашучы җыела.

Биредә традиция буенча инвалидлар җәмгыяте әгъзалары Яңа ел очрашулары үткәрә. Әфганстаннан Совет гаскәрләрен чыгару датасын да онытмыйлар.  Ватанны саклаучылар көнендә клубта алма төшәр урын да юк иде. Ә узган көздә Мордва Каратае авылы һәм кешеләре тарихына багышланган, бик күп тәэсирләр калдырган чара турында язган идек.

Клуб мөдире Ирина Окунева, шундый тыгыз график булуга карамастан, тормышларындагы мөһим даталарны билгеләп үтүче авылдашлары янына барырга да онытмый.

– Һәр эштә дә җиңү яуларга була, әмма бу үрләрне саклап калу, яңа уңышларга ирешү мөһим, - ди Ирина Окунева. - Менә без дә, кешеләрне җыеп, аларны матур бәйрәм белән сөендергәч, киләсе чараны да шулай ук күңелле итеп үткәрергә тиеш. Даими ярдәмчеләрем: авылыбызның актив кешеләренә – театр коллективы әгъзаларына, безнең чараларда катнашучы Кирельский авылы кешеләренә, Яңа ел бәйрәме белән чикләнмичә, үзләре генә түгел, гаиләләре белән дә даими тамашачыларыбыз булган мөмкинлекләре чикләнгән кешеләргә рәхмәт.

Районыбызда әнә шундый талантлы һәм хезмәт сөючән хатын-кызлар яши, алар бер эштән дә курыкмыйлар. 

Хезмәте өчен Ирина Федоровна Татарстан Республикасы Министрлар Кабинетының Рәхмәт хатына лаек булды. Бүләкне аңа муниципаль район Советының йомгаклау сессиясендә тапшырдылар.