Идел таңнары

Кама Тамагы районы

18+
Рус Тат
2024 - Гаилә елы
Җәмгыять

Яшьләр нәрсәнең мөһим булуын үзләре хәл итә

Узган җомгада Куйбышев Затонында «Беренчеләр хәрәкәте» активистлары слеты булды. Дистәләгән кыз һәм егет үз идеялары белән уртаклашу өчен беренче тапкыр бер урында җыелды.

Безнең район яшьләре баштан ук «Беренчеләр хәрәкәте»н оештыруга актив кушылды. Алар республика лагерьларында төрле профильле сменаларда катнаштылар, күрше районнардан килгән кунаклар белән зона походларына йөрделәр, Мәскәүдә ВДНХда булдылар, төрле һөнәр вәкилләренең эшчәнлекләре турында күбрәк белү өчен алар белән очрашулар уздырдылар. Моннан тыш, беренчеләр Кама Тамагындагы, Тенештәге һәм Тәмтедәге балалар бакчаларында булдылар, анда балалар белән уеннар оештырдылар. Мәсәлән, «Салават күпере» балалар бакчасы пилот проектына әверелде, мәктәпкә әзерлек төркемнәре хәрәкәткә кушылды.

Район мәктәпләрендә бер ел эчендә барлыгы унбер беренчел бүлекчә ачылган, ә хәрәкәттә 260 тан артык бала һәм яшүсмер катнашкан.

Слетта балалар 2024 елда хәрәкәтне үстерү буенча үз карашлары белән уртаклашты. Киләчәк чаралар һәм проектлар турында фикер алышу өчен катнашучылар төркемнәргә бүленде. Һәр команда мәдәният йорты сәхнәсендә экология, мәдәният, туризм, хезмәт, медиа һәм башка өлкәләрдәге идеяләрен тәкъдим итте. Мәсәлән, «Спорт» юнәлеше буенча балалар гадәти булмаган идеяләр: велосипедта йөгерү, комда футбол, үлән өстендә хоккей һәм суда волейбол уеннарын үткәрергә тәкъдим иттеләр. Шулай ук волонтерлык та популяр тема булды.

– Балалар өлкәннәргә, ялгызларга һәм мохтаҗларга ярдәм итәргә омтыла. Якын арада без «Интернет әлифбасы» акциясен башлап җибәрергә ниятлибез, аның кысаларында өлкәннәргә яңа технологияләрне аңлатачакбыз һәм алдакчылар тозагына эләкмәү юлларын табарга ярдәм итәчәкбез, – диде юнәлеш лидеры Таисия Корбанова. - Шулай ук без караучысыз хайваннарга ярдәм итәргә телибез, чөнки безнең районда алар өчен приют юк. 

Балалар арасында иң актуаль инициативалар быел хуплау алачак һәм гамәлгә ашырылачак.

– Без балаларның олылар тәкъдим иткәнне сайлап алуын түгел, үзләре ошатканча һәм алар өчен кызыклы булганча эш итүләрен телибез, - диде «Беренчеләр хәрәкәте» җитәкчесе Алинә Камәретдинова.

Бу алым, әлбәттә, барлык катнашучыларны берләштерәчәк һәм беренчеләрнең эшен нәтиҗәлерәк, кызыклырак итәчәк.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев