Яраткан уенның яңа форматы

Уенның муниципаль этабы иң көчле командаларны ачыклады, алар 13 майда Буа шәһәрендә зона этабында катнашачак.

– Быел үзгәрешләр булды, - диде мәгариф идарәсе җитәкчесе урынбасары Энҗе Гыйниятова. - Хәзер ярышларда кече һәм өлкән яшьтәге укучылардан торган командалар катнаша ала. Районның дүрт мәктәбе – икешәр команда, калганнары берәр команда җыйды. Ярышлар программасы бөтен республика буенча бер үк. Командалар тулы составта спорт әзерлеге буенча нормативларны үтиләр һәм Россия тарихы буенча теоретик имтихан тапшыралар. Команда вәкилләре автоматны сүтеп җыялар, кече яшьтәге төркемнәр противогаз куллану осталыгын күрсәтә, зурлар тизлеккә ОЗК кия. Каршылыклар полосасын икешәр өлкән команда вәкиле генә үтә, беренче медицина ярдәме күрсәтү күнекмәләрен барлык командалар күрсәтә.

Ярышлар сафка тезелү, ил һәм республика байракларын күтәрү белән башланды. Уенда катнашучыларны Энҗе Гыйниятова һәм «Беренчеләр хәрәкәте» җитәкчесе Алинә Камәретдинова сәламләде.

Мәктәп педагогы Сергей Кулигин уеннарның программасы белән таныштырды, аннары спортчылар ике төркемгә бүленде. Бер өлеше биремнәрне сыйныфта һәм спорт залында, икенче өлеше мәктәп плацында үтәде.

Иң кызыклысы – каршылыклар полосасын узу иде, аның барышында өлкән командалар каршылыкларны тизлеккә үтте. Бу дисциплинада кадет мәктәбе укучылары өстенлекле кебек тоелды, чөнки алар плацта күнекмәләрне башкаларга караганда ешрак үткәрәләр.  Әмма каршылыклар полосасы буенча беренче урынны Рудник мәктәбе спортчылары яулады. Алар күп кенә дисциплиналар буенча яхшы әзерлек күрсәттеләр һәм 6 призлы урын алдылар. Сөйки командасы Россия тарихын белү буенча икенче урынны алды. Зур һәм кече төркемнәр арасында өченче урынны Кама Тамагы мәктәбе командалары яулады. Өч призлы урынны Нияз Гатауллин һәм бер урынны Денис Кулигин алды.

Ике яшь төркемендә дә икенче урынны Затон мәктәбе командалары алды. Ә ярышларда кадет мәктәп-интернаты командалары җиңде, алар безнең районны конкурсның зона этабында тәкъдим итәчәк.