Гипс компаниясендә Балаларны яклау көне күңелле узды

Бәйрәмгә предприятиедә эшләүчеләрнең 60 тан артык баласы җыелды.

- Без үзебез дә бу чарага мондый ихтыяҗ булыр дип көтмәгән идек, - диде хезмәткәр Ольга Брысаева. - Без күп балаларны беренче тапкыр күрдек. Алар белән әти-әниләре генә түгел, әби-бабайлары да килгән иде. Менә шундый гаилә бәйрәме барлыкка килде.

Шул ук вакытта әлеге бәйрәм идеясе белән хезмәткәрләр алдан ук генераль директор Айнур Сабировка мөрәҗәгать иткәннәр, ул аларның инициативасын хуплаган. Бөтен чара үз көчләре белән үткәрелгән – бәйрәм өчен зур курчакларны завод хезмәткәре Валентина Пономарева биргән. Аниматорлар – бәйрәмгә килгән балаларның әниләре. Алар арасында Ольга Брысаева, Ольга Бисярина, Александра Лукоянова, Ольга Заикина, Ольга Гончарова. Барысы өчен дә бәйрәмгә буяулар өстәгән әкият персонажлары һәм ачык костюмнар рольләре табылды. Балалар өчен уеннар, эстафеталар, конкурслар, мастер-класслар оештырылды, аларны Любовь Бариева һәм Татьяна Тренина үткәрде. Барлык җиңүчеләргә дә бүләкләр тапшырылды.

- Без буяу өчен кәгазьгә рәсемнәр чыгарттык, фломастерлар һәм карандашлар әзерләдек, һәм балаларга моны ничек буярга икәнен үзләренә хәл итәргә тәкъдим иттек, алар моны бик теләп башкарды, – диде Ольга Брысаева. - Балалар  асфальтка акбур белән рәсем ясадылар.

Уеннардан соң балаларны ашханәгә чакырдылар, анда алар өчен чәй табыны оештырылды. Ләкин иң күңелле вакыйга мишуралы дискотека булды. Балалар рәхәтләнеп күңел ачты. Уңый тәэсирләр алган балалар да, алар өчен куанган әти-әниләр дә – барысы да канәгать калдылар.