Җәмгыять
Корбан мәҗлесе
17 ноябрь көнне район социаль тернәкләндерү үзәгендә "Россия пенсионерлар Союзы" иҗтимагый берләшмәсе Пенсия Фондының район идарәсе белән берлектә өлкәннәр өчен корбан итеннән мул итеп аш-су әзерләп (барысы 22 кеше җыелды) Корбан мәҗлесе үткәрелде.
Мәҗлесне Коръән сурәсе белән район үзәге мөслимәсе Мөнирә абыстай ачты. Дога һәм вәгазьләр тыңлап, күңелләрен сафландырган әби-апалар өстәл тулы нигъмәтләрдән авыз иттеләр. Аннан илгә-көнгә иминлек, тынычлык теләп, үзләрен зурлап кунак иткән оештыручыларга олы рәхмәтләрен ирештерделәр. Игелекле гамәлләренең үзләренә дә игелек булып кайтуын, Аллаһының рәхмәтенә ирешүен теләделәр.
Следите за самым важным и интересным в Telegram-каналеТатмедиа
Нет комментариев