Бәйрәм тантанасында булдылар

Кичә Казанда Муса Җәлил исемендәге дәүләт академия татар опера һәм балет театрында Бөек Җиңүнең 70 еллыгына багышланган тантаналы чарада МР башкарма комитеты җитәкчесе Павел Лоханов, социаль яклау бүлеге җитәкчесе Гөлназ Сафина җитәкчелегендәге делегация катнашты.

Тыл хезмәтчәннәре Наилә Газизулла кызы Мәннапова, Люция Шәңгәрәй кызы Габидуллина, Александра Петровна Анисимова һәм сугышта катнашучының тол хатыны Валентина Васильевна Бартеневаны ТР Президенты Рөстәм Миңнеханов котлады. Аннары ветераннар өчен бәйрәм концерты һәм чәй табыны булды.