Җәмгыять
Безнең газетаны ярты гасырдан артык укыйлар
Олы Бортастан Дания һәм Фәрит Вәлиевлар район газетасына 1975 елдан язылалар, нәкъ менә шул вакытта – ярты гасырдан артык элек – аларның гаиләсе барлыкка килгән.
Алар Олы Бортас мәктәбендә бергә укыганнар. Дания Гомәр кызы тумышы белән Кече Бортас авылынан, мәктәпне тәмамлагач, Казан дәүләт университетының физика-математика факультетына математика бүлегенә укырга кергән. Юллама буенча Олы Карамал мәктәбенә математика укытучысы булып эшкә җибәрелгән, ике елдан кияүгә чыгып, Олы Бортаска күчкән, анда 33 ел буе балаларны төгәл фәннәр нигезләренә өйрәткән.
Ә Фәрит Фоат улы машина йөртүче булып эшләгән: башта 15 ел «Искра» колхозында, аннары тагын 15 ел тракторчы булып хезмәт куйган. Өстәвенә, 12 ел мәктәпнең газ котельнясында оператор булып эшләргә дә өлгергән.
Гомумән, Вәлиевлар парлы гомерләрен хезмәттә уздырган, һәм бүген лаеклы ялда булгач та, вакыт белән элемтәләрен өзмиләр – район вакыйгаларыннан хәбәрдар булу өчен газетабызны рәхәтләнеп укыйлар, очерклар, мәкаләләр һәм язмалар язучы журналистларның исемнәрен яхшы беләләр, бу безнең өчен икеләтә күңелле…
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев