Барлык тәҗрибәләрнең дә гамәлдә кулланылуы мөһим

Анда 12 конкурсант – Кама Тамагыннан өч тәрбияче, Апас, Чүпрәле һәм Буа районнарыннан килгән тугыз педагог катнашты.

Безнең районнан бәйгедә       «Салават күпере»    балалар     бакчасы     тәрбиячеләре    Дилә  Ибәтова,    Гөлназ Хәсәнова   һәм Фирания Еранова катнашты.

Катнашучыларга сәламләү сүзе белән мәгариф идарәсе җитәкчесе Елена Гыймадиева мөрәҗәгать итте:

«Хөрмәтле катнашучылар, сезне үзебезнең районда сәламләвебезгә шатбыз. Сез барыгыз да булдырдыгыз, чөнки сез – бәйгенең муниципаль этабы җиңү яуладыгыз. Уңайлылык зонасыннан чыктыгыз һәм иҗатка чумдыгыз. Бүген үзегезнең осталыгыгызны, белемегезне һәм тәҗрибәгезне кабат күрсәтерсез. Мин сезнең барлык тәҗрибәгез һәм идеяләрегез югары бәяләнер дип өметләнәм. Барыгызга да уңышлар телим!»

«Салават күпере» балалар бакчасында тәрбияләнүчеләр кунакларга иҗади номерлар белән ярдәм иттеләр.

Катнашучылар балалар белән уздырдылар һәм үз эшчәнлекләренә анализ ясадылар. Дилә Шәһит кызы инглиз теле дәресе үткәрде. Гөлназ Инсаф кызы логопедия элементлары белән патриотик тәрбиягә багышланган дәрес уздырды. Фирания Вәгыйз кызы татар төркемендә эшләүче тәрбияче буларак чыгыш ясады, ул балаларны финанс грамоталылыгы белән таныштырды.

Эшләрне компетентлы жюри – ТР Мәгариф һәм фән министрлыгы, Казан педагогика көллияте вәкилләре бәяләде. Алар тәрбиячеләрнең заманча карашын һәм дәресләрдәге көнүзәк темаларны билгеләп үтте.