Балаларның җәйге ялы

"2012 елда балалар һәм яшьләрнең ялын оештыру, сәламәтләндерү һәм шөгыльлеге турында" ТР Министрлар Кабинеты карарын тормышка ашыру максатларында, хезмәт, мәшгульлек һәм социаль яклау министрлыгы авыр тормыш шартларында яшәүче гаиләләрдә яшәүче балаларны барлык типтагы сәламәтләндерү лагерьларына юлламалар белән тәэмин итү тәртибен раслады.
Социаль яклау органнары аша сәламәтләндерү учреждениеләренә юлламалар 7 яшьтән 18 яшькә кадәр балаларга бирелә. 2012 елда безнең районга санатор һәм сәламәтләндерү учреждениеләренә 91 юллама бирелгән. Агымдагы елның 12 июненнән 14 бала "Свияга" сәламәтләндерү лагеренда 18 көн ял итәчәк.