Аның укучысы – “ТНВ”ның башкарма директоры

Ул хезмәт юлын китапханәче булып башлаган, аннары мәгариф өлкәсенә күчкән һәм 35 ел татар теле һәм әдәбияты укытучысы булып эшләгән. 
Аның укучылары арасыннан 2024 елның февраленнән «ТНВ» каналының башкарма директоры һәм баш мөхәррире итеп билгеләнгән Лилия Кадыйрованы аерым билгеләп үтәсе килә. Бер интервьюсында Лилия Кама Тамагы районы Келәнче авылында туып үскәне, мәктәптә укыганда мәкаләләр язганы һәм аларның ай саен диярлек район газетасында басылып чыкканы турында сөйләде. Ул шулай ук, «Алтын каләм» бәйгесенең район этабында җиңү яулап, берничә тапкыр яшь журналистлар конкурсының финал этабында катнашты. Шулай итеп, Әлфия Миңнегали кызының укучылары укытучылары биргән белемнәрне файдалы кулланалар.
Язмабыз герое заманында татар теленнән Бөтенроссия олимпиадасының беренче туры җиңүчеләрен әзерләгән, аның укучылары Каюм Насыйри исемендәге төбәкара фәнни-тикшеренү укуларында, төрле дәрәҗәдәге конференцияләрдә, Габдулла Тукай һәм Муса Җәлил укуларында, сәләтле укучылар өчен иҗади идеяләр фестивалендә катнашкан. Остазларының профессиональ җитәкчелегендә алар татар телен һәм әдәбиятын өйрәнүдә югары казанышларга ирешкәннәр, һәм нәкъ менә шуның өчен биш ел рәттән Кама Тамагында ел саен үткәрелә торган «Талантлар парады»нда катнашканнар.
Әлфия Миңнегали кызы үзе дә төрле бәйгеләрдә һәм конференцияләрдә актив катнаша, алар арасында «Татар авыллары тарихы» халыкара иҗади һәм тикшеренү эшләре конкурсы, Гаяз Исхакыйның юбилеена багышланган фәнни-гамәли конференция, анда ул призер булган, «Интеллектуаль шигъри галерея» төбәкара конкурсында катнашкан. Әңгәмәдәшем фән олимпиадаларын оештыручы һәм укыту-методик материал авторы, республиканың авыл районнары арасында  иң яхшы укытучы һәм иң яхшы мәдәният хезмәткәре булып танылган. 
Тормыш иптәше Рәфхәт Саттаров хәзер лаеклы ялда, ул агрофирмада эшләгән, уллары Илгизәр Казан Эчке эшләр министрлыгында хезмәт куя, актив рәвештә спорт белән шөгыльләнә, ул – хоккейчы, «Деловая Россия» командасы өчен ПЛХ лигасында уйный, Кама Тамагы районында хоккей буенча күп тапкыр призер булган. Кызлары Илсөяр ТР Мәгълүмати технологияләр үзәгендә эшли, әти-әнисенә Тимерхан исемле онык бүләк иткән, ул инде беренче сыйныфта укый.
Әлфия Миңнегали кызы, сүз уңаеннан, иҗади сәләткә дә ия – ул «Нур» халык театр коллективының актив әгъзасы. «Идел-Йорт» театр фестиваль-конкурсы кысаларында куелган «Авыл. Дубль 2” спектакле тамашачыларда уңай хис-кичерешләр уятты.
Ул укучыларын да иҗатка җәлеп итәргә онытмый, мәктәп каршында балалар өчен театр түгәрәге оештырган, аның спектакльләре Бөтенроссия һәм республика конкурсларында призлы урыннар яулый.
Күргәнебезчә, язылучыларыбыз арасында үз эшләренең чын осталары да, иҗади сәләтле, тормышка битараф булмаган кешеләр дә бар, ә бу безне сөендерми кала алмый.